„Се ближи крајот на мандатот на Заев, а голем дел од проектите од изборната програма што тој им ги вети на граѓаните не успеа да ги исполни“, велат од ВМРО-ДПМНЕ.
Заев, рече Лидија Андонова, портпарол на ВМРО-ДПМНЕ, Струмица, на дело докажува дека е верен следбеник на таа политика и на неговиот ментор Бранко Црвенковски.
Го потсетија Заев за нереализираниот проект “Индустриска зона Куклиш – Свидовица“ кој го ветил и најавуваше како еден од најголемите проекти во неговата изборна програма во 2009 година.
„Наместо да ги засукате ракавите и се фатите за работа, вие 10 месеци пред избори започнавте жестока предизборна кампања со која секојдневно ги малтретирате граѓаните на општина Струмица.За да ги прикриете катастрофалните резултати и неисполнетите ветувања, безобразно и со ефтин популизам се обидувате да ја замајувате јавноста и да манипулирате со граѓаните.Вашата желба за трет мандат има единствена цел а таа е зачувување на бизнис интересите на кланот Заеви и фирмите блиски до СДСМ“, велат од ВМРО-ДПМНЕ.