ВМРО-ДПМНЕ во денешната реакција на прес-конференцијата на кандидатот за градоначалник на Велес Аце Коцевски наведува дека тој за време на деветгодишниот градоначалнички мандат успеал да направи само две фонтани, три тротоари и неколку префарбани фасади.
– Зад Коцевски не стојат дела, туку евтина шминка и реклама. Тој не реши ниту еден суштински проблем на градот и не изгради ниту еден капитален инфраструктурен објект. Не стори ништо за решавање на сообраќајниот хаос, ниту за санирање на проблемот со свлечиштето Рамина, се вели во реакцијата од ВМРО-ДПМНЕ.
Од таму посочуваат дека Коцевски ветил но не изградил булевар, ветил но не изградил нова театарска зграда, ветил странска инвестиција во фабриката „Колска“, но и за тоа излажал.
– Во мандатите на неговата партија во Велес близу 10.000 луѓе останаа без работа, а цената на водата се покачи за 210 отсто, а СДСМ не успеа да го изгради хидросистемот „Лисиче“, се вели во писмената реакција од ВМРО-ДПМНЕ.