За покачувањето на цената на струјата единствено одлучува Регулаторната комисија која е независно тело, чии членови ги избира Собранието. Ниту Владата, ниту ВМРО-ДПМНЕ како политичка партија нема никакво влијание и надлежност врз неговата работа, а со самото тоа нема влијание и врз нивната одлука за покачување на цената на струјата.
Се разбира, ВМРО-ДПМНЕ не е среќна што имаме покачување на цената на струјата, се вели во реакцијата на ВМРО-ДПМНЕ на денешната прес-конференција на потпретседателот на СДСМ Зоран Јовановски.
Главната причина за покачување на цената на струјата, се потсетува во рекацијата, е барањето на ЕВН која што е приватна сопственост за подмирување на зголемените трошоци што се јавуваат кај оваа компанија кои се резултат на зголемувањето на цената на струјата на светските пазари.
„За потсетување СДСМ е таа која што го продаде Електростопанство Македонија на австриската компанија ЕВН, а ВМРО-ДПМНЕ тогаш не се согласи со таа одлука, се додава во реакцијата и се посочува дека ВМРО-ДПМНЕ секогаш во рамките на своите можности ќе се труди да презема мерки и проекти кои дирекно им помагаат на граѓаните, како што се зголемување на платите, пензиите, намалување на даноците…“, стои во реакцијата.
