ВМРО-ДПМНЕ Охрид реагира поради, како што велат, непотребната акција на полицијата против капачите на Водици цо градот.
Еве ја во целост реакцијата од партијата:
„Традицијата е нашето дефинирање, а Водици нашиот корен. Но за жал од достоинствен, искрен и сосема краток настан во кој преовладуваа среќата и радоста власта непотребно создава нервоза.
Апсолутно непотребно на сите капачи по излегувањето од езерските води им беа земани податоци од полициските службеници. Немаше никакво групирање и натпревар за фаќање на крстот чин кој беше завршен во црква, не постоеја турканици и немаше никакви непријатности, па според тоа за секаква осуда е насилието кон граѓаните од страна на власта.
Народот нема да ги заборави двојните аршини на оваа ненародна власт. Селективното однесување на власта е крајно нечовечки и против македонската традиција,“ велат од Општинскиот комитет на ВМРО-ДПМНЕ од Охрид.