ВМРО-ДПМНЕ: Власта на Ковачевски намерно го осиромаши народот за да се обиде да го поткупи со 1.000 денари месечно

Од:

Димитар Ковачевски и неговата влада ја потценуваат интелигенцијата на граѓаните. Скроиле буџет и мерки со цел да прават предизборен поткуп, но вистината е дека на народот сакаат да му фрлат малку трошки, додека тие како власт го собираат кајмакот. Згора на сето ова владините функционери ги наполнија своите сметки и сметките на фирмите блиски до нив со стотиците тендери, криминални набавки и коруптивни зделки. Натрупаа стотици милиони евра нов долг , од кој народот не виде речиси ништо, а тие сето тоа го „изедоа и испија“, се вели во партиското соопштение од ВМРО-ДПМНЕ.

– Додека Ковачевски пробува да ги поткупи граѓани со 1000 денари, тој за себе и за своите функционери си обезбедува 78% повисоки плати, кои дополнително треба да пораснат после Нова година. Со други зборови Ковачевски направил за себе да зема 50 евра повисока ДНЕВНИЦА од таа која што ја земал до сега, а народот го убедува дека 1000 денари или 15 евра МЕСЕЧНО му се доволна помош. Ковачевски очигледно водел политика целиот овој период за осиромашување на народот, со цел да се обиде потоа со 15 евра месечно да го купи.

Тоа е бесрамно. Речиси 600 илјади граѓани живеат на работ на сиромаштија, од кои 80 илјади се во екстремна сиромаштија. Овие погубни статистики се резултат на катастрофалните економски политики на Ковачевски и на владата на ДУИ и СДС. Постапките на оваа влада во обидот со трошки да направат бесрамен поткуп, го отвора прашањето дали свесно и намерно го донесоа народот на питачки стап.Но народот нема да падне на оваа евтина предизборна финта, која после скапи го чини. Народот ќе го казни и потценувањето и криминалот и корупцијата на оваа власт – велат од партијата.

Би можело да ве интересира

ВМРО-ДПМНЕ: Дали СДС планира со кадри, како трговецот со дрога Александар Филев, да го носи народот во ЕУ

ВМРО-ДПМНЕ: Ново зголемување на прехранбените производи

Трибина за превенција и сузбивање на меѓуврсничко насилство во организација на ВМРО-ДПМНЕ

(ВИДЕО) УМС постави кутија за донации пред МНР: Искрено сме загрижени за Османи и функционерите на ДУИ чии блиски фирми добиваат милионски тендери, а се жалат дека немаат пари

Арсова Митрова: Да го сопреме иселувањето и намалувањето на бројот на ученици во Неготино

Велјановски: Нема фабрика за автомобили, нема скијачки центар, нема автопат – капиталните проекти за Тетово останаа празни ветувања