ВМРО-ДПМНЕ со писмено соопштение реагира на денешната прес-конференција на премиерот Зоран Заев.
„Зоран Заев ја злоупотребува полицијата за пресметка и заплашување на кандидатите за градоначалници кои не се од неговата партија.
СДС ги злоупотребува државните органи во пресметка со партиските неистомисленици.
Зоран Заев едно зборува пред камери, а друго прават неговите партиски потрчковци во институциите, кои ги кршат и базичните човекови права во спроведување на насоките дадени од партијата.
Владата на СДС нема направено ниту еден чекор напред кон ЕУ и НАТО. Владата на СДС единствено шо направи за овие три и пол месеци беше склучување на штетниот договор со Бугарија, на сметка на државните интереси.
Заев бесрамно зборува за економски развој и нови работни места, а всушност секој чекор му е насочен кон уништување на економијата. Најавеното покачување на даноците кон крајот на годината ќе предизвика зголемување на невработеноста и пад бројот на инвестиции.
Лицемерно е кога Заев зборува за квалитетно здравство, а за три ипол месеци не видовме ниту еден проект во насока на подобрување на истото.
СДС за три ипол месеци не направи ништо што ќе ја придвижи Република Македонија напред. СДС само донесе стагнација на сите полиња во општеството“ се вели во реакцијата на ВМРО-ДПМНЕ.