„На т.н. невладина органзиација Транспарентност Македонија и требаа неколку дена да се консултира со својата матична партија СДСМ за да излезе со соопштение. Но и во ова соопштение повторно јавноста не виде одговор зошто испоставата на СДСМ, наречена Транспарентност Македонија не кажува ни збор за тоа што и на овие избори СДСМ повторно се финансира нелегално со користење на кредит, за што доби кривична пријава од страна на Државната комисија за спречување на корупцијата пред две години.
– Раководството на оваа квази невладината организација Транспарентност Македонија, кои час се невладини активисти, час се партиски функционери на СДСМ, треба да престанат да фабрикуваат лаги и да манипулираат со јавноста.
– Впрочем и на јавноста веќе и е доволно јасно дека оваа таканаречена невладина органзиација се финансира од пари на фондацијата СОРОС на Владимир Милчин, а во нејзиното раководство се наоѓаат поранешни и актуелни функционери на СДСМ. Поинакви ставови освен тенденциозно манипулации насочени кон ВМРО-ДПМНЕ, од оваа политичка инсталација на СДСМ во невладиниот сектор и не можеме да очекуваме“, реагира ВМРО-ДПМНЕ на соопштението на Транспарентност Македонија.