Транспарентност Македонија се служи со неосновани обвинувања упатени кон Владата предводена од ВМРО – ДПМНЕ и се обидува преку манипулации да ја одработува агендата на СДСМ, се вели во реакцијата на владејачката партија. Наместо тоа, од ВМРО – ДПМНЕ ги повикуваат ТМ одговорите на прашањата да ги бараат кај СДСМ и Бранко Црвенковски, кој заедно со своите соработници ја извршиле криминалната приватизација.
„Ги повикуваме Транспарентност Македонија прашањето за незаконски изнесените 4,6 милијарди долари да го постават на олигарсите кои што пљачкаа во деведесетите помогнати од Црвенковски и СДСМ. Исто така ги повикуваме Транспарентност Македонија да ги прашаат финансиерите на оваа невладина организација која ја претставуваат, антидржавна и мафијашка организација на квази експерти кои лапаат еден тон евра за хонорари одработувајќи туѓи агенди“, стои во соопштението.