Срамно е тоа што СДСМ на дрзок начин ги вознемирува жителите на Прилеп лепејќи жолти траки по дуќаните, велат од ВМРО ДПМНЕ.
Уште посрамно е тоа што го прави на начин со кој се обидува да ја искриви сликата за тоа што ВМРО-ДПМНЕ направи за градот Прилеп во изминатиот период. СДСМ со ова ја покажува немоќта со која на секој подмолен начин се обидува да дојде на власт наспроти волјата на граѓаните.
Ги повикуваме СДСМ да ја прочитаат колумната „Вистината за Прилеп” објавена на фејсбук профилот на министерот за транспорт и врски Миле Јанакиески и барем малку да научат што значи посветеност и многу работа за својата земја. Ако СДСМ заборавиле како се работи еве да ги потсетиме со извадоци од колумната, стои во соопштението.