ВМРО-ДПМНЕ испрати соопштение до јавноста во врска со физичкиот напад од страна на пратеникот Максим Димитриевски.
„Насилството на криминалците и предавниците од СДС мора да биде санкционирано!
СДС се претвори мафијашка структура која веќе нема никакви допирни точки со македонскиот народ.
Врв на криминалното и насилничко однесување на злосторничкото здружение околу криминалецот Зоран Заев е вчерашниот срамен физички напад од страна на пратеникот Максим Димитриевски. Насилникот Димитриевски, без никаков повод и причина се дрзнал со тупаници да нападне и да се пресмета со 23 годишно момче само заради тоа што не му се допаднала македонската песна која што била нарачана.
Овој скандал мора да се расчисти до крај.
СДС е уценет и избезумен. СДС гледа дека македонскиот народ ја отфрла Тиранската Платформа и дека нема да дозволи криминалецот Заев да го испорача тоа што го ветил. Тиранска Влада нема да се формира.
Затоа народот е на нозе!
Затоа Македонија се буди“ се вели во соопштението на ВМРО-ДПМНЕ.