Членови и подржувачи на ВМРО-ДПМНЕ денеска со протест ќе бараат ослободување на актуелниот битолски градоначалник Владимир Талевски.
А1он вчера објави дека членството се мобилизира и организирано ќе дојдат во Скопје.
Администрацијата ќе биде ослободена, вака стои во пораката која синоќа се препраќаше до членовите и симпатизерите. Еве ја пораката:
Утре(понеделник)во 10.30 треба да бидеме пред СУД 1-пред Телевизија.Вработените ќе бидат ослободени од раководителите по нивно барање.Ако има проблем,пишете!“.
Инаку Кривичниот совет му одреди 30-дневен куќен притвор, за случајот „Транспортер“ по барање на Специјалното јавно обвинителство.
Протестот ќе започне во 10:30 часот, пред Основниот суд Скопје 1 Скопје.
Кривичниот суд во Скопје во петокот определи мерка куќен притвор за Талевски, откако СЈО ја обжали првичната одлука да му се одземе само пасошот.
Талески е еден од осомничените во случајот „Транспортер“, во кој 22 лица се товарат за незаконски тендери за транспорт на учениците од училиштата во регионот на Битола.