Би сакал да ја честитам и победата на кандидатите на СДСМ и ДПА во општините Центар и Струга. На сите нив им посакуваме плодна работа во која основна грижа ќе им биде интересот и потребите на граѓаните на општините каде тие станаа градоначалници, рече Илији Димовски.
Со победата во овие две општини, би сакале да сумираме дека конечниот број на општини во кои победија кандидатите на ВМРО-ДПМНЕ и коалицијата “За Подобра Македонија” е точно 58, наспроти само 4 колку што освои СДСМ. Ова е историска победа за ВМРО-ДПМНЕ.
Благодариме на сите граѓани кои не подржаа. Благодариме и на сите граѓани и институции кои учествуваа во овие демократски избори. Македонија покажа дека е држава со целосен демократски капацитет.
ВМРО-ДПМНЕ победи во 58 општини, наспроти 4 на СДСМ. Ваква убедлива победа на една политичка партија во последните 23 години никогаш не се случила. Ние сме благодарни на граѓаните, но повторуваме дека знаеме што значи оваа победа, додаде тој.
