Капиталниот проект- Ски центар Попова Шапка е во завршна фаза. По барање на инвеститорот ЕЛЕМ, целата документација е изготвена и чека на одобрување од Министерството за животна средина и просторно планирање,реагира ВМРО-ДПМНЕ на прес конференцијата на ВМРО НП на која е побаран отчет за ветувањето дека ќе се гради ски центар на Попова Шапка.
„Изготвен е Мастер план за развој на Попова Шапка,изработена е физибилити студија,изработена е планска програма, спроведена е јавна анкета и јавна презентација, спроведена е постапка за стратешка оценка за влијанието врз животната среднина согласно Законот за животна средина,обезбедено е позтивно мислење по стратешката оценка за влијанието врз животната средина, државната урбанистичка докумнетција е во завршна фаза на одобрување за што се чека услови за планирање од Министерството за животна средина и просторно планирање, доставено е барање за планирање на услови на простор до Министерството за животна средина и просторно планирање, што е последен чекор за отпочнување на физичка реализација на проектот, пренаменети се 1200 хектари земјоделско во градежно земјиште“ ,стои во реакцијата.
Во реакцијата се додава дека планираните инвестиции за реализација на првата фаза кои АД ЕЛЕМ што ќе ги инвестира според Мастер план, студијата изнесува околу 30 милиони евра.