Што договарал Костадин Костадинов на средбите што ги имал со Боки 13? Дали разговарале за рекет и колкав бил рекетот што се изнудувал од бизнисмените?, прашува ВМРО-ДПМНЕ, преку соопштение како реакција на прес-конференцијата на Костадин Костадинов од СДСМ.
„Дали за рекетот бил информиран неговиот шеф Зоран Заев и колкав процент се двоел?
Мора да одговараат и Костадин Костадинов и Зоран Заев и сите кои му обезбедуваат грб и му даваа кредибилитет на Бојан Јовановски за да изнудува пари цел изминат период.
Мора да одговараат сите криминалци од СДСМ кои ги злоупотребуваа институциите за лично богатење.
Костадин Костадинов и неговиот шеф аболицираниот криминалец Зоран Заев веќе немаат кредибилитет да говорат за правда. Костадин Костадинов и неговиот шеф аболицираниот криминалец Зоран Заев мора да одговараат пред законот.“, се наведува во реакцијата на партијата.