„Петре Шилегов во својата нервоза поради поразот и патетичност започна да измислува и се самопоканува во емисии кои никогаш не биле предвидени за дебата. Емисијата каде што Шилегов учествуваше се вика „Само интервју“ и тоа покажува дека не станува збор за дебата“, соопшти ВМРО-ДПМНЕ.
„Ја разбираме желбата и матрицата на Шилегов да има дебата во која тој ќе ги навредува своите соговорници, бидејќи тој ниту еднаш не се огради ниту се извини поради сексистичките напади на перјаниците на СДСМ кон Данела Арсовска, но за нас многу поважно што ја разбираме потребата на скопјани да се говори за проекти и решенија на нивните проблеми.
Единствено граѓаните на Скопје нам ни се важни.
Петре Шилегов може да продолжи да се дави во својата ароганција и самобендисаност“, се наведува во соопштението на ВМРО-ДПМНЕ.