Довербата која се гради пред граѓаните е процес кој се заоснова врз факти и изработени дела. Денес СДСМ се во Битола, градот кој доживеа убедливо најголема штета од владеењето на Бранко Црвенковски.
СДСМ во Битола е збор кој е синоним за октопод и измамени штедачи, а нивните дела се невработеноста и изгубени надежи, велат од ВМРО-ДПМНЕ.
„Во време на СДСМ, кога Бранко Црвенковски беше премиер на Македонија се случи најголемата пирамидална финансиска измама во историјата на Македонија, ТАТ, во која беа измамени 30. 000 граѓани кои останаа без своите заштеди. Над 120. милиони германски марки беа проневерени од граѓаните на Битола. Во време на Бранко Црвенковски и СДСМ во Битола се затворија Битолатекс, се затвори Социјален борец, Иднина, се затвори Фринко, Прогрес, Јавор, Угостителство Македонија и уште еден куп други фабрики. Од овие капацитети 30.000 битолчани беа оставени без егзитенција“ реагираат од владејачката партија.