„СДСМ руши и уништува. СДСМ е безидејна и ги лечи своите длабоки фрустрации врз државата, граѓаните и имотот на државата.
СДСМ 9 месеци не изгради ништо ново, но сруши и уништи многу.
Споменикот на македонскиот револуционер Андон Јанев Ќосето е легално поставен со одлука на бадентерово мнозинство на Советот на град Скопје, а по претходно добиена градежна маркица од општина Центар.
Нема ништо незаконски во неговата градба. Незаконско е неговото рушење.
СДСМ треба да знае дека споменикот што го срушија и уништија ќе биде вратен откако ВМРО-ДПМНЕ ќе дојде на власт.
ВМРО-ДПМНЕ ќе ја надомести секоја штета што СДСМ ќе ја направи врз државата и македонскиот народ.
СДСМ 9 месеци покажува безидејност.
СДСМ 9 месеци не отпочна ниту еден нов проект, не изгради ниту еден километар пат, не направи ниту една болница, училиште, градинка. СДСМ само руши и уништува.
Рушењето е само обид за дефокус на јавноста од катастрофалните политики на СДСМ како на меѓународен, така и на домашен план.
Економското фијаско, штетните договори, неуставните закони сето тоа СДСМ сака граѓаните да го заборават.
Граѓаните паметат и граѓаните знаат кој што и како направил.
СДСМ ќе сноси политичка и историска одговорност за уништувањето на државата“ се вели во соопштението на ВМРО-ДПМНЕ.