ВМРО-ДПМНЕ: СДСМ се чувствува добро само во состојба на криза

Од:

ВМРО-ДПМНЕ со писмено соопштение реагира на на соопштението на СДСМ на тема финансии.

„СДСМ има алергиска реакција на секоја позитивна изјава за Македонија. Во спротивно, ќе прочиташе дека агенцијата Фич има само пофални зборови и за фискалната и за монетарната политика на Македонија.

Она што Фич го гледа како закана за економијата и поради што не го покачи рејтингот е политичката криза во која СДСМ ја втурна Македонија, иако според економските перформанси нашата земја заслужува повисок рејтинг.

Тоа е се што аболицираниот криминалец Зоран Заев и злосторничкото здружување од СДСМ знаат да го прават. Да креираат кризи и да се трудат земјата да се наоѓа во хаос и агонија, бидејќи СДСМ се чувствува најдобро само во состојба на криза.

СДСМ нема идеи и проекти за економски развој, туку само за деструкција. СДСМ докажа дека не само што не знае да креира нови работни места, туку знае единствено да брка 200.000 луѓе од работа и да затвора 684 фабрики. Сивата економија цветаше во време на СДСМ. Проневерените милијарди за кои ја задолжи земјата СДСМ ги додаде на контото на нивните транзициски олигарси.
Денес СДСМ се труди со сите расположливи сили да ја продолжи кризата во Македонија и состојбата на хаос која ја предизвика, бидејќи СДСМ не сака Македонија да оди напред, туку да остане онаму каде што СДСМ ја остави – во економски пустош и безперспективност.

Граѓаните знаат дека агенцијата Фич нема пофални зборови за економскиот модел „Евро за Вицето“ на аболицираниот криминалец Зоран Заев и СДСМ, ниту пак дека Македонија ќе оди напред со помош на шемите за издавање станови сами на себе на Шекеринска и Шилегов.

Затоа СДСМ беше казнет од граѓаните на 11-ти декември кои мнозински одлучија 10-ти пат по ред да ја даде масовно својата поддршка за ВМРО-ДПМНЕ“ пишува во соопштението на ВМРО-ДПМНЕ.

Би можело да ве интересира

Колариќ: Субвенционирањето на клима уреди од Град Скопје е измама

Катерина Павлова-Николовска

ВМРО-ДПМНЕ: Освен скандалозната набавка на скала, истата фирма набавува спортска опрема за министерството на Шекеринска

Катерина Павлова-Николовска

Петровска: ВМРО-ДПМНЕ да им се извини на граѓаните за тоа што го кочи Законот за Клинички центар

Катерина Павлова-Николовска

ВМРО-ДПМНЕ: Заради Филипче и Заев вакцините доцнеа 5 месеци

Катерина Павлова-Николовска

Стојановска: ВМРО-ДПМНЕ е за нов Клинички центар, но со изготвен проект, а не со физибилити студија од 35 страни

Марија Митева е нова портпаролка на ВМРО-ДПМНЕ