ВМРО-ДПМНЕ реагира на соопштението на СДСМ.
„Лажењето и манипулациите се препознатливи за СДСМ и нивниот лидер Зоран Заев. Нема една реченица која СДСМ ќе ја каже, а која не е класична лага.
Впрочем тие ја лажеа јавноста дека нема да го менуваат уставното име, па видовме дека излажаа.
Тие ветуваа дека ерга омнес ќе важи само за предлогот „Илинденска Македонија“, па видовме дека излажаа.
Ветуваа дека со договорот е заштитен идентитетот, а гледаме дека секој ден од Грција, вклучително и од Ципрас и од Коѕијас стасуваат изјави со кои тврдат дека со договорот не се признава македонска нација и македонски народ.
Договорот е штетен, капитулантски и задира во идентитетот и тоа го знаат и членовите на СДСМ. Затоа беше и фијаското со наводната прослава која ја бојкотираа и нивните членови кои што си ја сакаат својата земја. Оттука е нервозата на СДСМ која ја манифестираат со постојано кршење на демократијата, принципите, законите и Уставот.
Врхушката на криминалниот картел се одлепи од реалноста. Тие се ставија наспроти народот. Но народот ќе победи, Македонија ќе победи и тоа на сите им е јасно“ се вели во реакцијата на СДСМ.