„Безидејноста на опозициската партија се гледа во нивната константна потреба да ја користат глобалната економска криза за ситни политички поени и замајување на јавноста“, реагираат од владејачката партија на денешната прес-конференција на СДСМ.
„Оваа Влада на ВМРО-ДПМНЕ ги има највисоките стапки на БДП од 6,1 проценти во 2007 година и 5 проценти во 2008 година. Во периодот од 2007 до 2011 година остварен е просечен раст на БДП од 3,2 отсто. За споредба во периодите од 1993 до 1998 и од 2003 до 2006 година, кога СДСМ беше на власт просечната стапка на БДП изнесуваше 1,2 проценти. Со напомена – додека СДСМ беше на власт светот доживуваше економски процут, додека ВМРО-ДПМНЕ веќе четири години се справува со ефектите од светската економска криза“, се вели во реакцијата.