„СДС покажа крајна неспособност и ги понижи македонските земјоделци. СДС во текот на предизборната кампања ветуваше подобри услови за земјоделците, зголемени инвестиции и решавање на проблемот со откуп, сега гледаме дека ништо од тоа не е остварено.
СДС и министерот Николовски цел месец ги игнорира производителите на лубеници и дозволи десеткратно да се намали откупот на лубеници и истите да скапат по нивите, бидејќи нема кој да ги откупи.
Додека земјоделците мака мачат со наоѓање на пласман соочени со голата егзистенција, Николовски посетува скапи забави и се луксузира до раните утрински часови.
СДС не се грижи што тие мали откупени количини на лубеници се откупија по понижувачка цена од само 2 денари која е за 4 пати помала од претходните години кога беше по 7 или 8 денари, со што приходите на производителите на лубеници се намалени за 4 пати и истите сега не можат да си ги покријат трошоците.
Наместо да го обвинува ВМРО-ДПМНЕ коja се грижеше за земјоделците и во чие време откупните цени беа повисоки, СДС треба да се зафати со работа и да им излезе во пресрет на земјоделците.
Наместо да бара изговори за негрижата кон земјоделците СДС итно да донесе одлука за доплнителна финансиска помош за производителите на лубеници во вредност од 10.000 денари за декар и оваа година да ги ослободи од закупнина на државно земјоделско земјиште и надоместок за наводнување“ се вели во соопштението на ВМРО-ДПМНЕ.