ВМРО-ДПМНЕ во писмената реакција на денешното соопштение на СДСМ за мерките за вработување и образование на младите, оценува дека СДСМ дава лажни ветувања.
Во реакцијата ВМРО-ДПМНЕ посочува дека во времето на СДСМ партиципацијата за студирање била висока, а студирањето не било достапно за сите.
– ВМРО-ДПМНЕ досега имплементираше бројни проекти, мерки и активности со кои на младите им се отворија можностите за студирање и за вработување во сопствената земја. Потсетуваме дека партиципацијата за студирање се намали од 1.200 на 200 евра годишно, а наспроти некогашните 5-6 видови стипендии, во меѓувреме изградивме систем на стипендирање кој нуди повеќе од 40 различни видови финансиска поддршка и стимулација за вложениот труд на учениците и студентите, се вели во реакцијата.
ВМРО-ДПМНЕ потсетува дека минатата година биле промовирани 40-тина мерки за млади како проектот „Купи куќа за млади“, бесплатен јавен превоз за студенти, бесплатно патување за најдобрите студенти, проектот Македонија вработува….
– Само од активните мерки за вработување, кои во најголем дел се однесуваа за младите, се креираа над 43.000 работни места, вели ВМРО-ДПМНЕ.