ВМРО-ДПМНЕ: СДСМ бара средба за анкетната, која веќе беше закажана

Од:

Барањето на лидерот на СДСМ Бранко Црвенковски до претседателот Ѓорге Иванов за иницијатива за формирање комисија за утврдување на фактите за настаните од 24 декември 2012 година, во и пред Собранието, според ВМРО-ДПМНЕ е задоцнето затоа што претходно од претседателскиот кабинет имало покана за двете партии за заедничка средба која се одржа денеска.

ВМРО-ДПМНЕ е непријатно изненадена од односот на СДСМ на оваа иницијатива на претседателот Иванов. Имено, откако веќе бевме поканети како партии и ние и СДСМ, претседателот на СДСМ, Бранко Црвенковски, упатил писмо до претседателот Иванов со кое соопштува дека сè уште чекаат иницијатива за формирање на комисијата, се наведува во соопштението од Центар за комуникации на ВМРО-ДПМНЕ.
Партискиот генерален секретар Кирил Божиновски присуствувал на средбата, но според ВМРО-ДПМНЕ, за жал, СДСМ преку нивниот претставник на оваа средба, генералниот секретар на СДСМ Андреј Петров, покажал неспремност да ги соопшти нивните предлози за членови на оваа Комисија.

ВМРО информира дека на средбата кај шефот на државата, партијата иницирала и предложила текст на Меморандум меѓу политичките партии за исполнување на стратешката цел за членство на Република Македонија во ЕУ.

Овој Меморандум би требало да го потпишат политичките партии во Република Македонија, а со него би се обврзале континуирано да ги спроведуваат сите активности и реформи за исполнување на критериумите за членство во ЕУ и ќе се воздржат од дејства и активности кои може да го попречат или негативно да влијаат на пристапниот процес, соопшти владејачката партија.

Би можело да ве интересира

СДСМ: Орце Ѓорѓиевски ја уништи Кисела Вода, тој е избор на партиската олигархија на ДПМНЕ

ВИДЕО: Орце Ѓорѓиевски е кандидат на ВМРО-ДПМНЕ за градоначалник на Скопје

Катерина Ѓуровски

Мицевски: Кандидати на СДС за градоначалници се фатени во непотизам, криминал и корупција, од купување на гласови до вработување на сопруги

Шукова: ВМРО-ДПМНЕ ја урна куповната моќ – граѓаните се борат за еден оброк, власта се луксузира

ВМРО-ДПМНЕ денеска треба да го соопшти кандидатот за градоначалник на Скопје

(ВИДЕО) Филипче: Македонија заложник на туѓи агенди – ЕУ алармира на влијание од Србија, Унгарија, Русија и Кина

Катерина Ѓуровски