„Атентатот што се случи врз Никола Тодоров е директна последица на хистеричната и неаргументирана хајка што СДС и невладините организации финансирани од Сорос ја реализираат неколку години. СДС има одговорност и тоа не може да го сокрие преку лажни реакции и изјави.
Владата на СДС и аболицираниот криминалец Зоран Заев ветуваа дека ќе ги вратат младите во Македонија и дека ќе тече „мед и млеко“.
Во текот на кампањата ветуваа на лекарите дека ќе земаат 100.000 денари, а сега велат дека тоа им е цел која би се остварила до крајот на мандатот.
Додека народот ги очекува ветуваните поголеми плати, пензии, просечната плата од 30.000 денари, СДС се обидува да дефокусира со скапо платена, деструктивна и лажна црна пропаганда против ВМРО-ДПМНЕ.
Анти-реформската влада на СДС наместо да се насочи кон зголемување на платите, пензиите и растот на економијата, мандатот го почна со укинување на проекти и најава за блокирање на се што е во тек.
Предлогот на СДС за поддршка на земјоделците во набавка на земјоделската механизација ќе се намали од сегашните почетни 50% на почетни 30%.
Вакви мерки на СДС не водат кон подобар живот како што тие ветуваа. СДС уште еднаш докажа дека само ги интересираат популистички мерки, а не проекти кои даваат резултати на долг рок.
Поради тоа рокот на оваа влада нема да е долг. Оваа влада не е реформска туку анти-реформска“ се вели во соопштението на ВМРО-ДПМНЕ.