Денешната реакција на Александар Петрески за некаков си „р’шум“ во Охрид е панична реакција на уплашен човек на кого му се случува „р’шум“ во главата заради фактот дека сигурно ги губи изборите во недела во Охрид и тоа уште во првиот круг, регираше општинскиот комитет на владејачката партија од Охрид, на прес-конференцијата на охридскиот градоначалник.
„Петрески соочен со тој фактот на веќе сигурен пораз го губи тлото под нозете и во тоа губење сака да го вовлече и Охрид и граѓаните. Во недела, со волјата на граѓаните, заминува од местото градоначалник на Охрид човекот кој не создаде ништо, а направи негативни несогледливи последици за иднината на Охрид“, соопшти ВМРО-ДПМНЕ.