Вработувањето на 294-те психолози и педагози во средните и основните училишта ќе се изврши преку транспарентна и отворена постапка, при што ќе се запазат сите законски правила и процедури, истакнува ВМРО-ДПМНЕ во писмената реакција на прес-конференција на СДСМ.
– Вработувањата за кои зборуваше СДСМ се прават како резултат на децениски застој и стагнација, која систематски беше спроведувана од владите на СДСМ во оваа сфера. Тоа запоставување силно почна да се чувствува во образовниот процес. Ја разбираме потребата на СДСМ секојдневно да излегува на прес конференции, но не можеме да разбереме тоа што СДСМ започна да критикува зошто се вработуваат граѓани, се вели во реакцијата.
ВМРО-ДПМНЕ посочува дека за разлика од СДСМ сега се обезбедени бесплатни учебници, намалена е партиципацијата за студирање, отворени се нови унизерзитети и се градат нови училишта.