ВМРО-ДПМНЕ заедно со своите поддржувачи вечерва се собраа пред затворот во Шутка како поддршка за приведените учеснисници од настаните во Собранието на 27 април.
На четвртиот протест, покрај другите, беше и лидерот на ВМРО-ДПМНЕ, Никола Груевски, како и генералниот секретар на партијата, Христијан Мицкоски, пратеникот Влатко Ѓорчев, екс градоначалникот на Скопје, Коце Трајановски.
Тие повторно побараа итно и безусловно запирање на сите процеси и ослободување на притворените.
Влатко Ѓорчев пак, ги поздрави актерите од МНТ кои вчера, покажале солидарност со својот колега, Владо Јовановски.
– Тоа е театарот на Ристо Шишков, а денеска Владо Јовановски стана новиот Ристо Шишков. Зарем актер кој никого не нападнал, не удрил, не раскрварил треба да биде суден за тероризам, за дела против државата и уставниот поредок, рече Ѓорчев.