Од ВМРО ДПМНЕ велат дека прославата за 20 години од Охридскиот рамковен договор се претворила во партиска забава, а не државна прослава и за тоа ВМРО-ДПМНЕ не присуствува на истата.
„Сега не е време, ниту место за партиски политички промоции во време на прогласена кризна состојба и во време на повторно влошување со КОВИД пандемијата во државата. Наместо парите да се потрошеа за политички забави, власта на СДСМ и ДУИ требаше да ги пренамени во многу по продуктивни и побитни работи за граѓаните и државата во моментов.
Можеа парите да ги пренаменат за реконструкција на училишта, водоводни и канализациони мрежи во Полошкиот регион, а можеа и да купат неколку нови противпожарни возила со што би спречиле повторна катастрофа со шумските пожари“, велат од ВМРО ДПМНЕ.