„Бескрајно лицемерната политика на СДСМ и нивните коалициони партнери никако да заврши. Вашата лицемерна политика господине Сугарески, политиката на Вашите сопартијци и коалициони партнери, продолжува.
– Вие бевте тој кој не го поддржа законот за субвенционирање на земјоделците и поради Вас повеќе стотини семејства со задоцнување ги зедоа своите субвенции. Затоа Ве информираме да не се грижите околу откупот на тутунот , откупот на тутун ќе започне навремено согласно законските прописи, веднаш по земањето на заверените мостри на тутун.
– Олигарсите на СДСМ се оние кои го уништија македонското земјоделие, тутунопроизводството, сточарството, а денес истите тие преку својот гласноговорник Сугарески повикуваат на подобар живот, поголеми примања, посигурен живот за Вас земјоделците“, изјавија од ВМРО-ДПМНЕ Прилеп.
