„Единствени кои се однесуваа насилнички во Собранието и надвор од него на 24 декември беа пратениците и раководството на СДСМ. Тие ги погазија и Уставот и Законот за Собрание и се обидоа да предизвикаат државен удар“ – реагираат од ВМРО-ДПМНЕ.
Оттаму додаваат дека пратениците на СДСМ биле тие кои што го оневозможиле Собранието да работи.
„Пратениците на СДСМ беа тие кои се закануваа и физички се пресметуваа со своите колеги пратеници, кои го окупираа работното место на Претседателот на Собранието, расфрлаа документи и истураа вода врз компјутери, пиеја алкохол во ходниците на Собранието и ги навредуваа и напаѓаа службените лица. Највисоките партиски функционери на СДСМ беа тие кои што го уништуваа собранискиот инвентар, недолично се однесуваа и се качуваа на масите во Собранието, а надвор од него ги газеа полицајците и тргнаа да се пресметуваат со сопствениот народ. Ниту еднаш СДСМ не смогна доблест да признае дека нивното однесување предизвика политички хаос и несогледливи последици за Македонија. Впрочем тоа беше и нивната цел, бидејќи тие се мајстори да ловат во матно и по можност да дојдат на власт без избори, на кои што во континуитет губат 7 пати“ – додаваат од владејачката партија.