„Бранко оди си, Македонија не ти заборава“. Со овие пароли и со фотографии од неколку фабрики и објекти како ФАС 11 Октомври, Хартија Кочани, Тутунски комбинат Прилеп, општинскиот комитет на ВМРО-ДПМНЕ за куманови, ги покажа како што велат, „спомениците“ и „ремек-делата“ на Бранко Црвенковски и СДСМ.
„Луѓе останаа без работа, фабрики се затворија, невработеноста во 2006-та беше 38%, владите на СДСМ беа неуспешни“, вели претседателот на општинскиот комитет на ВМРО-ДПМНЕ, Мирослав Стојановски.
Според него разликата во работата на нивните влади е очигледна. Тој рече дека ВМРО-ДПМНЕ успеале да ја намалат невработеноста на 30%, има инвестиции и работа.
Не сакаше да го открие фаворитот на ВМРО-ДПМНЕ, кој во Куманово ќе му се спротивстави на Зоран Дамјановски – Циц, но рече ќе биде најдобриот и конечно по 20 години ВМРО-ДПМНЕ ќе ја добие локалната власт.