ВМРО-ДПМНЕ реагира на прес конференцијата на Стево пендаровски од СДСМ во врска со настанот во Слупчане.
ВМРО-ДПМНЕ го повторува ставот за настанот:
“ВМРО-ДПМНЕ не се согласува со вчерашниот чин на положување на цвеќе на споменик на УЧК, во присуство на униформирани лица од македонската одбрана.Таквиот чин воопшто не ги одразува политиките и политичките ставови на ВМРО-ДПМНЕ.Ваквите настани никако не водат кон зголемување на довербата помеѓу граѓаните на Република Македонија”.
„Стево Пендаровски секогаш кога ќе продава двојни стандарди и лажен морал, ќе го потсетуваме дека тој е човек кој што ги фалсификуваше претседателските избори, на кои што Црвенковски ја превзеде функцијата Претседател на Република Македонија и за награда го пoстави Стево Пендаровски за свој советник.Таа соработка трае до денес, иако Стево Пендаровски неколку пати во својот живот ги менуваше страните и политичките опции.Со оглед на фактот што Пендаровски е човек што најмалку може да зборува за моралот во политиката, неговата денешна прес конференција ја гледаме само како продолжение на обидите за умилкување кон Црвенковски“, стои во соопштението на ВМРО-ДПМНЕ.