ВМРО-ДПМНЕ ги повика пратениците од опозицијата да ги вратат сите пари кои досега ги имаат добиено на име надоместок за пратеничка плата.
Во писмената реакција на прес-конференцијата на Рената Дескоска се наведува дека таа седум месеци по ред добивала месечна плата од над 65 илјади денари, а се нема појавено ниту еден ден на работното место.
– Таа за една година ќе зема над 780.000 денари, а воопшто не чувствува одговорност и потреба да се појави на своето работно место и да ја работи работата што таа сакала да ја работи и што граѓаните и ја довериле, се вели во реакцијата.
ВМРО-ДПМНЕ додава дека пратениците од опозицијата за една година ќе земат над 24.180.000 денари, а не чувствуваат одговорност да се појават на своите работни места. – Тоа се над 1200 просечни плати во Република Македонија, истакнува ВМРО-ДПМНЕ.