Обединети за Македонија се служи со груби и дрски дезинформации, се со цел да манипулира со граѓаните на Република Македонија и на општина Кичево, се вели во писмената реакција од владејачката партија, насочено кон прес-конференцијата на Обединети за Македонија.
ВМРО ДПМНЕ е една од ретките партии која своето работење го темели на принципи и кредибилитет. Како партија, на локалните избори кои претстојат, ВМРО-ДПМНЕ ќе има свои членови во сите изборни одбори, но исто така ќе има и набљудувачи на изборите во сите избирачки места.Сведоци сме дека Обединети за Македонија повеќе не е партија која функционира во свое име. Обединети за Македонија се сведе на слаба и нефункционална општинска организација на СДСМ која целосно работи во функција на погубните и погрешни политики на Бранко Црвенковски и СДСМ, а тие ја носат одговорноста за сите погрешни стратешки политики во минатото“, се вели во писмената реакција на ВМРО-ДПМНЕ.