„СДС и Зоран Заев имаат обврска да ги исполнат ветувањата за транспарентно и инклузивно работење кога станува збор за прашања кои се од најголем национален интерес. Во спротивно граѓаните ќе продолжат да се вознемируваат од срамните, понижувачки и негаторски изјави кои договорот за добрососедство го дефинираат како почеток на претворање на Република Македонија во втора бугарска држава.
Заев треба да им одговори на граѓаните дали е точно дека ќе се менуваат учебниците по историја? Дали ќе стои на ставот Македонија да има своја сопствена историја или ќе оди по стапките на бугарските националисти кои се со ставот дека Македонија и Бугарија имаат 1300 години иста историја.
Заев да им одговори на граѓаните за каков национализам ја обвинува Република Македонија. Зарем Македонија ширела национализам во минатото или на било кој начин ги загрозила своите соседи.
ВМРО-ДПМНЕ го повторува ставот дека е за градење на добрососедски односи, врз база на взаемно почитување и зачувување на достоинството и интегритетот на народот и на Република Македонија“ се вели во соопштението на ВМРО-ДПМНЕ.
