– Во текот на вчерашниот ден преку медиумите беше објавена информацијата дека АД Киро Ќучук заминува во стечај. Основниот суд во Велес по барање на Управата за јавни приходи донесе решение за отворање на стечјана постапка, рече советникот од ВМРО-ДПМНЕ во општина Велес, Петре Саздов.
Тој тврди дека оваа крајно непријатна но неизбежна одлука за керамичката индустрија била прашање на денови, имајќи ја предвид состојбата во која таа се наоѓа.
– Залудни беа нашите апели до раководството на фабриката и до сопствениците на акционерскиот капитал да се спречи ваквиот исход и да се отпочне со нормално работење. Во ситуација кога работењето фирмата беше прашање на одлука на Зоран Заев и на Киро Камчев, кои заедно го поседуваат мнозинскиот пакет акции во неа, тие беа најповиканите да одговорат за агонијата со која се соочуваше фабриката. Се сомневавме дека неработењето на Киро Ќучук е интерес на г-динот Зоран Заев, а во таа намера поддршка да добива и од г-динот Камчев, рече Саздов.