Советот на општина Центар денеска ја усвои програмата за работа на ЈП ПОЦ во 2015.година.
„Ова е развојна програма, со предвидени нови поволности за граѓаните на општина Центар. Во програмата на ЈП се предвидени средства за нови проекти и нови паркиралишта за модернизирање на софтверите за наплата, за нова хоризонатална и вертикална сигнализација“, рече директорот Саша Богдановиќ.
Предвидени се нови проекти за зголемување на безбедноста во сообраќајот, за користење на велосипеди и повторно – поддршка за КК Работнички .
Паркинзи Центар го исплати заостанатиот долг од претходното раководство во висина од 200.000 евра.
Исто како и минатата, така и оваа ЈП не побара ниту денар субвенции од општина Центар, напротив започна со исплаќање на комуналната такса која е неплатена од 2012-та година.
Во 2012-та година општината го субвенционираше работењето на Паркинзи со 350.000 евра, за 2013-та биле одобрени 170.000 евра, но новото раководство на ЈП ПОЦ не ги побара и не ги искористи. Ова, рече Богдановиќ е заштеда на општината.
Советниците од ВМРО-ДПМНЕ не ја гласаа оваа програма и ја напуштија седницата, бидејќи точката била ставена на вонредна седница.