Советникот на заминување Горан Милевски до сега требаше да научи да прави разлика меѓу акивностите кои ги има еден кандидат за градоначалник и еден актуелен градоначалник кој има должност да им служи на сите граѓани, велат од владеачката партија.
Наместо, стои во реакцијата, да му оддадат признание што градоначалникот м-р Владимир Талески и покрај ангажманот во предизборната кампања издвојува време за тековните обврски во општината ним им пречи што граѓаните на улицата Прохор Пчински ќе добијат нова улица со комплетно нова инфраструктура, водовод и канализација.
Зарем според Милевски јавните претпријатија во надлежност на општината треба да престанат со работа и за време на кампањата да заминат на колективен одмор?
Очигледно им пречи тоа што ВМРО-ДПМНЕ работи и создава дела кои ќе добијат поддршка од битолчани на 24 март, завршува реакцијата.