Целата денешна прес – кофнеренција на Бранко Црвенковски се сведува на само една работа. Бранко Црвенковски сака да дојде на власт, стои во реакцијата од ВМРО – ДПМНЕ.
Од ВМРО – ДПМНЕ му порачуваат на Црвенковски дека на власт се доаѓа со избори, власта ја избира народот, а не со насилство, со закани, со напад врз претседател на Собрание и со обид за насилен преврат.
– Вашето однесување личи на се, но не личи на однесување на политичар во европска држава. Г-не Црвенковски власта ја избира народот, а не твоите најблиски и од тебе зависни соработници. Г-не Црвенковски вие тргнавте да се пресметувате и да се тепате со сопствениот народ. Вие дадовте наредба да се непадне претседателот Велјановски. Дадовте наредба да се узурпира и завземе Собранието на Република Македонија. Г- Не Црвенковски вие дадовте наредба да бидат напаѓани пратеници. Вие дадовте наредба да биде ставено вон функција Собранието, кое е избрано од граѓаните, се подвлекува во реакцијата од ВМРО – ДПМНЕ.
Наместо и понатаму да се заканува, укажуваат од ВМРО – ДПМНЕ во реакцијата, Црвенковски денеска најмалку што требаше да направи беше да и се извини на целата македонска јавност.
