ВМРО-ДПМНЕ излезе со реакција на изјавата на потпретседателот на СДСМ, Дамјан Манчевски.
СДСМ, констатираат, продолжува со својата безидејна политика и со концептот на рушење, наспроти концептот поддржан од граѓаните за градење и создавање дела и вредности,ова е реакцијата на ВМРО-ДПМНЕ на прес-конференцијата на СДСМ, во врска со иницијативата за враќање на коцката на централниот плоштад во Скопје.
Очигледно е, велат од ВМРО-ДПМНЕ, дека СДСМ е затворен во своите теснопартиски погледи и чувството на фрустрација, кои се гледале во секој настап на секоја тема на функционерите од оваа партија.
„Мозаикот од коцка за која говори Манчевски е во насока на естетско надополнување на целината на плоштадот Македонија и токму ваквите и слични проекти кои ги градиме, а на кои СДСМ секогаш се противи, на Градот Скопје му донесоа дуплирање на бројот на туристите, раст на градежништвото и развој на 26 гранки поврзани со него, поддршка на економијата и нови работни места”, стои во соопштението.