Црните сценарија за апокалипса на Македонија и уништување на се што е направено се единствена програма на СДСМ. Иднината на Прилеп и Македонија ја гледаат само со нив на власт, а за да дојдат до власта не бираат средства. Општинскта зграда, спомениците, парковските површини и многу други јавни и приватни објекти сведочат за уништувачката визија и начинот на функционирање на СДСМ.
Почитувани млади од СДСМ, вие малкумина кои и давате поддршка на политиката на аболицираниот криминалец Зоран Заев, да ви кажеме јасно:
– младите од Прилеп се против двојазичност, против федерализација и против уништување на градот и нашата држава.
Денес, оваа пресс конференција ја држиме токму пред општинската зграда, чија фасада е целосно уништена од неколку мина луѓе на СДСМ заради нивна забава!
Почитувани, младите од Прилеп се против ваквата деструкција и против уништување на кој и да било изграден проект кој не е во ничија лична припадност, туку е на граѓаните на Прилеп!
Младите од Прилеп јасно и недвосмислено даваат поддршка на илјадниците мерки и проекти кои се во насока на подобрување на животот на младите и развојот на Република Македонија. Младите од Прилеп даваме поддршка на изградбата на спортски сали и терени, реновирани училишта, бесплатни учебници.
Даваме поддршка за различните видови стипендии, дисперзираните студии, намалените партиципации.
Даваме поддршка за бесплатен железнички превоз. Даваме поддршка за реновирани студентски домови и бесплатно достапна светска литература. Младите од Прилеп даваме поддршка на проектот Македонија вработува во кој се предвидени посебни мерки за млади. Даваме поддршка на субвенционираното вработување на младите лица и грантови за самовработување. Поддршка за купи куќа за млади! Ние младите од Прилеп даваме силна поддршка на економската политика и програма на ВМРО-ДПМНЕ со која се отвораат нови работни места за младите од нашиот град. Ние младите даваме поддршка за развојот на Прилеп и напредокот на Република Македонија!
Токму затоа, на 11-ти декември младите од Прилеп ќе дадат поддршка на ВМРО-ДПМНЕ, а силно НЕ за двојазичноста која ја најавува и веќе ја спроведува СДСМ, НЕ за федерализација на Македонија, НЕ за виткање на кичмата и променана на идентитетот на Македонија!
На 11-ти декември младите од Прилеп ќе гласаат за иднина, развој и напредок на државата на чело со ВМРО-ДПМНЕ, велат од ВМРО-ДПМНЕ.