Јани Макрадули ја заврши кампањата онака како што ја почна со празна реторика и голи неаргументирани обвинувања, истакнува ВМРО-ДПМНЕ во реакцијата на денешната прес-конференција на кандидатот за градоначалник на Град Скопје од редовите на коалицијата „Сојуз за иднина“ предводена од СДСМ.
– Тој пред граѓаните не понуди конкретна програма со проекти, финансиска конструкција и рокови, туку излезе со нереални ветувања во кои и самиот не верува. Неговиот придонес за Скопје кога се на се ќе се собере се сведува на изгласувањето на криминалниот и катастрофален ДУП со кој се предвиде зградата Тифани и урбанистичкиот хаос во Дебар Маало, се вели во реакцијата од ВМРО-ДПМНЕ.
Граѓаните, се потенцира, на 24 март ќе го кажат своето мислење за придонесот на Јани Макрадули и останатите кандидати на СДСМ и нивните така наречени програма кои набрзина ги направија со украдени, нереални и бесмислени проекти.
Писмена реакција од СДСМ на соопштението на ВМРО-ДПМНЕ во врска со изјавата на кандидатот за градоначалник на Скопје, Јани Макрадули
За ДУП-от за кој зборуваат најдобро е да си го прашаат Никола Груевски, кој во 1997 година како советник од ВМРО-ДПМНЕ гласаше за него.
