ВМРО-ДПМНЕ со писмено соопштение реагира на соопштението на СДСМ.
„Одродената и криминална власт на СДСМ е исплашена и мора да лаже бидејќи граѓаните ги препознаа нивните антидржавни политики.
Единствениот политичар во Европа кој што е аболициран за криминал своите партиски војници упорно ги принудува да пишуваат соопштенија со цел да ги изманипулираат граѓаните дека сите политичари се криминалци и нечесни како што е Зоран Заев.
Единствениот аболициран политичар Зоран Заев со ваквите лаги сака да го покрие невидениот грабеж, концесиите и лиценците кои во моментов си ги дели на Вице и Кочо.
Македонија не може да се надева на европска иднина без правната држава која СДСМ ја укина. Граѓаните на Република Македонија не може да се надеваат на влез во Европската Унија со руинирано здравство, економија и образование.
Со еден збор вратите на Европа се затворени додека Зоран Заев е премиер, а СДСМ е на власт“ се вели во реакцијата на ВМРО-ДПМНЕ.