Престојните локални избори се надеж за спас на политичките кариери на луѓето од транзицијата. И Бранко Црвенковски и Љубчо Георгиевски поддржуваат кадри кои се нивни лични соработници од времето на приватизацијата и матните зделки, смета владејаката ВМРО-ДПМНЕ.
Пример за тоа, посочува партијата, е и Борче Стефановски кандидат за градоначалник на Општина Гази Баба од СДСМ и Коалицијата
– Тој веќе веќе беше градоначалник на оваа општина и во тој период преку ноќ стануваше сопственик и директор на скапи објекти и фарми вредни милиони. Весникот Дневник на 25 март 2002 година пишува дека Борче Стефановски станува директор на живинарска фарма Белимбегово која е купена за 500.000 германски марки, имот кој бил проценет на девет милиони. Исходот на оваа бизнис зделка само година подоцна е 210 вработени кои со месеци не земаат плата и огромен помор на фармата. Односно објектот е купен под реалната вредност, а неговиот капитал обезвреднет- истакна портпаролот на ВМРО-ДПМНЕ, АлександарБичиклиски.
Тој додаде дека неколку месеци подоцна Стефановски ја купува втората по големина живинарска фарма во земјава, во Гевгелија, дел од ЗИК „Винојуг“, купена, како што рече, за 570.000 германски марки.
– Останува дилемата, дали со оваа кандидатура политичките ментори му се одолжуваат лично на Борче Стефановски за неговите услуги и дали и какви бизниси овој пат тој има ветено на коалицијата на СДСМ- вели Бичиклиски.