ЛДП денес прати несериозно и неточно соопштение, како воопшто да не следат политика во државата.
Премиерот Никола Груевски веќе два дена е во Македонија и денес даваше и изјава за медиумите, а ЛДП како да се изгубени во просторот, па денес пуштаат беспредметни соопштенија до јавноста, порача ВМРО-ДПМНЕ во својата реакција за денешното јавно обраќање на ЛДП.
„Впрочем и што друго да се очекува од партија која единствено опстанува на политичката сцена само како приврзок на СДСМ. Тоа што СДСМ се срами да го каже, или не е сигурна, тоа го кажува ЛДП. Ако ЛДП беше барем малку сериозна и одговорна партија, немаше да ги користи случувањата во Скопје за добивање на ефтини политички поени“, порача ВМРО-ДПМНЕ во обраќањето до опозициската партија.