„СДСМ не престанува со лагите и манипулациите во врска со квалитетот на воздухот.
Лажното душегрижништво на СДСМ се гледа во самиот факт што токму општините раководени од СДСМ, Куманово и Струмица се едни од најзагадените општини во државата, но тоа Пеце Мирчевски свесно одбегнува да го спомене.
Токму од овие општини стигаат информации за зголемен број граѓани кои се жалат на квалитетот на воздухот и влијанието врз нивното здравје.
Лицемерието на СДСМ не застанува само тука.
Тие зборуваат за гасификацијата, а забораваат да кажат дека токму овие два града за кои се запенија од зборување дека наводно ги гасифицирале се едни од градовите со највисоко ниво на загаденост. Овој факт целосно го поразува концептот на аболицираниот Заев и СДСМ и нивните нереални ветувања кои во континуитет ги даваат. Тоа само покажува дека во овие градови не е направено ниту Г од гасификација на домаќинствата и се е само виртуелно и фиктивно со цел партиски фирми на СДСМ да се богатат.
Решавањето на проблемот со квалитетот на воздухот бара сеопфатно решение на кое што ВМРО-ДПМНЕ веќе работи, а не со нереални и од ракав истресени предлози и проекти.
Граѓаните ги казнија лагите и манипулациите на СДСМ на изборите на 11-ти декември. Тие јасно им покажаа дека не даваат поддршка на лицемерието на СДСМ“, се вели во реакцијата на ВМРО-ДПМНЕ на изјавата на Пеце Мирчески.