ВМРО-ДПМНЕ во реакција на прес-конференција на портпаролот на опозициската СДСМ Петре Шилегов истакнува дека не се согласува со одлуката Миодраг Јовановиќ да биде поставен за в.д. раководител на Пошта Куманово.
Најавува дека во рамки на законските и институционални можности ќе покрене иницијатива за смена на Јовановиќ од раководна позиција.
– Иако станува збор за позиција која ја извршувал пред да стане градоначалник, лицето Миодраг Јовановиќ во овој момент, според сите етички норми, не треба да ја извршува истата функција.
– ВМРО-ДПМНЕ е единствена партија која во овие дваесетина години покажа капацитет за кадровска обновливост и партија која постојано ја испитува подготвеноста на кадрите да ги извршуваат своите обврски.
– Таквиот принцип се надеваме дека ќе биде прифатлив и за партиите од нашата коалиција и за сите останати партии во Република Македонија, наведува во реакцијата ВМРО-ДПМНЕ