ВМРО-ДПМНЕ ќе ги прошири протестните возења во уште шест македонски градови

Од:

ВМРО-ДПМНЕ во соопштение вечерва најави дека протестните возења низ улиците на Скопје, кои партијата ги одржуваше во изминатите недели, ќе бидат проширени уште во шест македонски градови: Охрид, Битола, Штип, Велес, Куманово и Прилеп. Утре, во исто време, во сите седум града, заедно со Скопје, ќе се одржат протестните возења, со почеток во 18:30 часот, најавија од партијата.

Еве го во целост партиското соопштение на ВМРО-ДПМНЕ:

„Македонија стана земја на криминалци, мафијаши на власт и неправда. Има за врхушката на власт, а нема за народот. Прогонот на политички неистомисленици стана секојдневие од страна на власта, која пак го прикрива стравот од казната која им следи од народот.

Криминалот и корупцијата на власта се сериозни проблеми со кои се соочува државата, а вмешаноста во корупциски скандали и афери на луѓе од власта и блиски до Заев стана нормалност.

СДСМ и Заев мора да заминат на темната страна на историјата, а Македонија мора да биде правна држава во која ќе владеат законите подеднакво за сите. Токму затоа ВМРО-ДПМНЕ организира протести со возила на територија на
Град Скопје, и општините Велес, Охрид, Куманово, Прилеп, Штип, Битола утре вторник 20.10.2020 година со почеток во 18:30 часот. Протестот со возила на територија на Град Скопје ќе започне од СЦ Јане Сандански, па се до Владата на
Република Македонија.

ВМРО-ДПМНЕ ги повикува сите граѓани да се приклучат на протестот против криминалот, корупцијата, неправдите и прогонот. Ова самоволие на власта мора да прекине!,“ се вели во соопштението од партијата.

Би можело да ве интересира

ВМРО-ДПМНЕ: Филипче закопа 39 граѓани за еден ден, а Заев во кризна состојба оди на избори, одговорност мора да има

Катерина Павлова-Николовска

ВМРО-ДПМНЕ: Пет причини само од вечерва зошто Филипче до изутрина треба да даде оставка

Жарко Настоски

Заев е против лидерска средба поради реториката на ВМРО-ДПМНЕ

Жарко Настоски

Филипче најави тужба: ВМРО-ДПМНЕ на најподмолен начин се обидува да собере политички поени од прерано згаснат човечки живот

Катерина Павлова-Николовска

ВИДЕО: Десетици уапсени на протест во Париз, полицијата употреби солзавец и водени топови

Жарко Настоски

ВМРО-ДПМНЕ: Монтажни болници нема, бидејќи на Заев и Филипче помили им беа тендерите отколку здравјето на граѓаните

Жарко Настоски