Аболицираниот криминалец Зоран Заев е човекот што се фалеше дека странски служби му предале незаконски прислушувани материјали. Целата јавност сама се увери на каков начин аболицираниот Заев сака да дојде на власт, газејќи ја вољата на народот. Деновиве сите граѓани видоа која била крајната цел на Пучот што се обидуваше да го изведе аболицираниот Заев. Тој самиот јасно ја кажа пред албанската дијаспора во Швајцарија. Отварање на прашањето на двојазичноста, редефинирање и федерализација на Македонија преку надминување на рамките на Охридскиот договор и газење на позициите на Република Mакедонија во споровите кои ги има со соседите. Целта на Пучот на аболицираниот Зоран Заев беше Македонија да биде обвинета дека проблемот кој Грција го има со нашето име е само заради нас.
Аболицираниот криминалец Зоран Заев изјавуваше дека за него не постоеле и немал намера да ги почитува македонските судови. Сега СДСМ преку соопштение се обидува да ја излаже јавноста дека Претседателот Никола Груевски бегал од судовите, иако и самите знаат преку нивните блиски во СЈО дека до Никола Груевски не е доставена покана.
СДСМ лаже како што лаже Зоран Заев и како што манипулира Катица Јанева. СДСМ со соопштението потврди дека аболицираниот криминалец Зоран Заев и Катица Јанева се двата лика на истата паричка, а СЈО е нивен партиски штаб. Остануваат уште 22 дена до изборите, на кои што СДСМ, аболицираниот Зоран Заев и неговите послушници од СЈО ќе го добијат најдобриот одговор од граѓаните за деструктивната и антидржавна политика.