„СДСМ е во очигледна паника. Аболицираниот криминалец Зоран Заев беше поразен од граѓаните и мора да ја прифати нивната волја. Над 455 илјади граѓани гласаа за коалицијата предводена од ВМРО-ДПМНЕ и нивната одлука кој треба да ја води државата не може да биде поништена со ниедно срамно соопштение нарачано од Заев.
Очигледно СДСМ се уште е заложник на аболицираниот криминалец Зоран Заев и затоа мора со жолчни текстови да ја брани неговата деструктивна, антидржавна политика.
На граѓаните, дури и оние кои гласаа за СДСМ, сега им е јасно целото сценарио по кое Зоран Заев работи за да ја разгради Македонија. На сите им јасно дека СДСМ и Зоран Заев немаат идеја за подобар живот на граѓаните или пак конкретна програма и проекти, туку се работи само за гола борба за власт и спас на кариерата на еден криминалец како Заев кој се задскрива зад улогата политичар.
Оваа цел, за жал СДСМ е подготвена да ја оствари по секоја цена. Граѓаните ги прочитаа СДСМ и Заев. Враќање назад за Зоран Заев, нема“, соопштуваат од ВМРО-ДПМНЕ.
